Жаңалықтар

21.09.2022 ДМШ балалардың тиімді нәтижелері үшін мультивариативті логопедиялық тапсырмалар Мартышева Наталья Владимировна

21.09.2022 Ойыншықтарым көп менің, Бәрін жақсы көремін. Кешке дейін жалықпай, Бірге ойнап жүремін. #6 " Светлячок " тобы Өткізген:Саликова Н.М

21.09.2022 Қасым-Жомарт Тоқаев Еуропалық Кеңес Президентімен кездесу өткізді Мемлекет басшысы Азық-түлік қауіпсіздігі жөніндегі жаһандық саммит аясында Еуропалық Кеңестің президенті Шарль Мишельмен кездесті. Тараптар саяси диалогты дамытуға, сауда-экономикалық ынтымақтастықты кеңейтуге ерекше назар аудара отырып, Қазақстан мен Еуропалық Одақ арасындағы стратегиялық әріптестікті нығайту перспективаларын талқылады. Қасым-Жомарт Тоқаев пен Шарль Мишель Қазақстан Президентінің 2021 жылғы қараша айында Брюссельге ресми сапарының қорытындысы бойынша қол жеткізілген уағдаластықтарды іске асырудың барысына көңілдері толатынын атап өтті. Мемлекет басшысы Шарль Мишельді Қазақстанда жүзеге асырылып жатқан ауқымды саяси және экономикалық реформалар туралы хабардар етті. Қасым-Жомарт Тоқаев пен Еуропалық Кеңестің Президенті тұрақты байланыс орнатуға келісті. Қазақстан Президенті кездесу соңында Шарль Мишельді елімізге сапармен келуге шақырды.  https://ortcom.kz/kk/novosti/1663728078

21.09.2022 Қасым-Жомарт Тоқаев Еуропалық комиссия Президентімен келіссөз жүргізді 20.09.2022 _ 21:10 Жаңалықтар Мемлекет басшысы БҰҰ Бас Ассамблеясы 77-ші сессиясының аясында Еуропалық комиссия Президенті Урсула фон дер Ляйенмен екіжақты келіссөз жүргізді. Тараптар Қазақстан мен Еуропалық Одақ арасындағы Кеңейтілген стратегиялық әріптестікті дамыту перспективаларын талқылады. Қазақстан Президентінің 2021 жылғы қараша айында Брюссельге ресми сапарының қорытындысы бойынша қол жеткізілген уағдаластықтарды іске асыру барысына ерекше назар аударылды. Атап айтқанда, энергетика және көлік-логистика салаларында бірлескен жобаларды жүзеге асыру мәселелері қозғалды. Мемлекет басшысы Урсула фон дер Ляйенді Әділетті Қазақстанды құруға бағытталған елімізде жүзеге асырылып жатқан ауқымды саяси және экономикалық реформалар туралы хабардар етті. Қасым-Жомарт Тоқаев пен Урсула фон дер Ляйен стратегиялық серіктестікті одан әрі жан-жақты нығайтуға деген өзара қарым-қатынасты растады. Еуропалық комиссияның Президенті Қасым-Жомарт Тоқаевтың басшылығымен елімізде іске асырылып жатқан ауқымды реформаларды жоғары бағалады. Кездесу соңында Президент Урсула фон дер Ляйенді Қазақстанға ресми сапармен келуге шақырды. https://ortcom.kz/kk/novosti/1663686780

21.09.2022 Қасым-Жомарт Тоқаев Халықаралық Қызыл Крест комитетінің Президентімен кездесті Мемлекет басшысы Бас Ассамблеясы 77-сессиясының аясында Халықаралық Қызыл Крест комитетінің Президенті Питер Маурермен кездесу өткізді. Жүздесуде Қазақстан мен Халықаралық Қызыл Крест комитеті арасындағы ынтымақтастықты нығайту перспективалары қарастырылды. Сондай-ақ халықаралық және өңірлік күн тәртібіндегі өзекті мәселелер, соның ішінде Ауғанстандағы гуманитарлық жағдай талқыланды. Қасым-Жомарт Тоқаев қызметінен кетіп жатқан Питер Маурерге ұйымды басқарған соңғы он жылда табысты жұмысы мен біздің елімізбен ынтымақтастықты нығайтуға қосқан үлесі үшін ризашылық білдірді. Питер Маурер өзінің қызметін жоғары бағалағаны үшін Қазақстан Президентіне алғыс айтты. Халықаралық ұйым төрағасы Қасым-Жомарт Тоқаев басшылығымен елде жүзеге асырылып жатқан ауқымды реформалардың маңыздылығын және Халықаралық Қызыл Крест комитетімен ынтымақтастықты дамытуға қосқан үлесін атап өтті. https://ortcom.kz/kk/novosti/1663685770

21.09.2022 Қасым-Жомарт Тоқаев Австрия Президенті Александр Ван дер Белленмен келіссөз жүргізді Қасым-Жомарт Тоқаевтың екіжақты келіссөздер бағдарламасын БҰҰ Бас Ассамблеясы 77-ші сессиясының аясында Австрия Президенті Александр Ван дер Белленмен болған кездесуі ашты. Мемлекеттер басшылары саяси, сауда-экономикалық салалардағы Қазақстан - Австрия ынтымақтастығын дамыту перспективаларын, сондай-ақ халықаралық ұйымдар аясындағы өзара іс-әрекетін талқылады. Тараптар саяси диалогты одан әрі дамытуға, сауда-экономикалық және инвестициялық байланыстарды кеңейтуге деген дайын екенін жеткізді. Қасым-Жомарт Тоқаев екі ел арасындағы тікелей әуе қатынасын қалпына келтірудің маңыздылығын атап өтіп, жаңартылатын энергия көздері, ауыл шаруашылығы, цифрландыру, туризм және инфрақұрылым салаларында австриялық технологияларды трансферттеуге қызығушылық білдірді. Мемлекеттер басшылары халықаралық күн тәртібіндегі өзекті мәселелер жөнінде пікір алмасты. https://ortcom.kz/kk/novosti/1663681255

21.09.2022 Президент Жолдауы-2022: елорда тұрғындары өз ойларымен бөлісті Елорда тұрғындары Президенттің 1 қыркүйектегі Жолдауына қатысты пікір білдірді. Қала тұрғындары негізінен 18 жасқа дейінгі балаларға дивиденд төлеу және зейнеткерлік жасты төмендету сияқты бастамаларды ерекше атап өтті, деп хабарлайды әкімдіктің ресми сайты. Сауалнамаға қатысқан елорда тұрғындарының басым бөлігі Президенттің бала күтімі бойынша төлем мерзімін ұзарту жөніндегі бастамасын қолдады. «Мен декретте жүргендер үшін жәрдемақы 1,5 жыл төлейтінін естігенде қатты қуандым. Бұл өте қуанарлық жайт», - дейді қала тұрғыны. Зейнеткерлік жасқа келетін болсақ, бұл идеяны астаналықтар да қолдады. «Зейнеткерлік жасты арттыру – әлемдік үрдіс. Менің ойымша, бұл айтарлықтай айырмашылық емес әрі айтарлықтай қиындық тудырмайды», - деп санайды елорда тұрғыны. Қала тұрғындары Президентке зейнеткерлік жасты ғана емес, балаларды қамтамасыз ету мәселесін де назардан тыс қалдырмағаны үшін алғыс айтты. «Біз Президентке «Ұлттық қор – балаларға» деген бастамасы үшін ризамыз. Балалардың кәмелеттік жасқа толғанда оқуға немесе тұрғын үйге белгілі бір сомасы жинақталатыны қуантады», - дейді олар. Қатысушылардың айтуынша мұндай төлем жастарды ел демографиясын көтеруге ынталандыратынын атап өтті.  https://ortcom.kz/kk/novosti/1663671292

21.09.2022 Астана филармониясы XXVI концерттік маусымын Күләш Байсейітованың 110 жылдық мерейтойымен ашты XXVI концерттік маусым шымылдығын Еркеғали Рахмадиев атындағы МАФ Қазақ оркестрі қазақтың аты аңызға айналған күміс көмей әншісі Күләш Байсейітованың 110 жылдық мерейтойына арналған «Бұлбұл» атты концертімен ашты, деп хабарлайды елорда әкімдігінің ресми сайты. Кеш бағдарламасында Динаның «Әсем қоңыр», Жамбылдың «Күләшқа» әні, Евгений Брусиловскийдің «Қыз Жібек» операсынан «Гәкку», Латиф Хамидидің «Қазақ вальсі» мен «Бұлбұл», Мұқан Төлебаевтың «Біржан мен Сара» операсынан айтыс, «Абай» операсынан Ажар ариясы, «Қыз Жібек» операсынан «Шегенің термесі» орындалды. Концертте Қазақстан Республикасының Еңбек сіңірген қайраткерлері – Арайлым Рахымқызы, Светлана Айтбаева, Сүндет Байғожин, Бибігүл Жанұзақ, «Дарын» мемлекеттік жастар сыйлығының лауреаты – Алтынбек Әбілда, Халықаралық және республикалық байқаулардың лауреаттары – Феруза Рахметова, Әйгерім Аманжолова, Әйгерім Ораз, Талғат Аллабиринов, Ботагөз Тәшімова өнер көрсетті. Қазақ оркестрінің бас дирижері – Қазақстан Республикасының еңбек сіңірген қайраткері, «Парасат» орденінің иегері, профессор Айтқали Жайымов. Дирижер – мәдениет қайраткері Нұрлан Бекенов. https://ortcom.kz/kk/novosti/1663729917

21.09.2022 Үкімет басшысы Қарағанды облысында жол апатынан қаза тапқан дәрігерлердің туыстарына көңіл айтты ҚР Премьер-Министрі Әлихан Смайылов Қарағанды облысында жол апатынн қаза тапқан дәрігерлердің туыстарына көңіл айтты, деп хабарлайды ҚазАқпарат тілшісі. «Кеше кешкісін Қарағанды облысында қайғылы жағдай болғанын білесіздер. Сарышаған ауылының маңында жол апатынан 2 дәрігер қаза тауып, 8 медицина қызметкері зардап шекті. Олар «Қазақмыс» компаниясының қызметкерлері медициналық тексеруден кейін қайтып келе жатқан. Қаза болғандардың туыстарына, жақындарына көңіл айтамыз және зардап шеккендердің тезірек сауығып кетуін тілейміз. Премьер-Министр кеңесесіне Үкіметтің алдағы отырыстарының бірінің күн тәртібіне жолдағы қауіпсіздік мәселесін енгізуді тапсырамын», - деді Премьер-Министр. Осыған дейін қарағанды облысындағы жол апатынан 2 дәрігердің қаза тауып, 8-і жарақат алғанын хабарладық. https://ortcom.kz/kk/novosti/1663734560

21.09.2022 Урожай 2022: в Казахстане убрано порядка 86% площади зерновых На сегодняшний день по всем областям республики продолжается уборка урожая. По данным акиматов убрано 13,9 млн га зерновых и зернобобовых культур или 86,3%, при средней урожайности 12,5 ц/га намолочено 17,3 млн тонн зерна. Что касается других сельхозкультур, то валовой сбор маслосемян составил 363 тыс. тонн, собрано 3,6 млн тонн овощей и 2,1 млн тонн, картофеля. Работы продолжаются. В Казахстане функционируют 189 лицензированных хлебоприемных предприятий с общей емкостью хранения 12,8 млн тонн. Проводится плановая работа по их подготовке к приему нового урожая. Кроме того, у сельхозтоваропроизводителей имеются собственные емкости хранения рассчитанные на 16,6 млн тонн зерна. С учетом прогнозируемого урожая указанных объемов будет достаточно для хранения зерна. https://ortcom.kz/ru/novosti/1663674096